2011թ դեկտեմբերի 8-ին Մեհրաբյանի անվան բժշկական ինստիտուտում կայացավ Հայաստանի Հանրապետության դեղարտադրողների և ներմուծողների Միության (ԴԱՆ) տնօրեն Սամվել Զաքարյանի և GXP Գերազանցության կենտրոնի տնօրեն Արամ Ղազարյանի դասախոսություններն ինստիտուտի դեղագիտական ֆակուլտետի ուսանողների մասնակցությամբ: Նրանց կողմից ներկայացվեց Հայաստանում դեղագիտության զարգացման հեռանկարները, դեղարտադրության ընդլայնման խիստ անհրաժեշտությունը, զարգացման ուղիները, ինչպես նաև նոր մասնագետների պատրաստման պահանջարկն ըստ Եվրոպական և միջազգային չափանիշների: Նշվեց համապատասխան կադրերի պատրաստման ուղիները, պայմանները և հնարավորությունները Հայաստանի Հանրապետությունում:
Ինստիտուտի մասնագետներին և ուսանողներին հնարավորություն ընձեռնվեց անվճար օգտվել դեղարտադրողների և ներմուծողների Միության էլեկտրոնային գրադարանից: Ձեռք բերվեց պայմանավորվածություն ինստիտուտի կողմից հրատարակվող Հայ-Բուլղարական բժշկական Տեղեկագրի բոլոր հատորների էլեկտրոնային տարբերակը' ԴԱՆ Միության (www.pharmunion.am) կայքում տեղադրելու: Նշվեց նաև դեղագիտության բնագավառում նոր աշխատատեղերի ստեղծման անհրաժեշտությունը: Պարոնայք' Ս.Զաքարյանը և Ա. Ղազարյանը սիրով պատասխանեցին ինստիտուտի դասախոսների և ուսանողների բազմաբնույթ հարցերին'կապված դեղերի ներմուծման, արտադրության և այդ բնագավառին վերաբերող այլ աշխատանքների հետ: Հանդիպման վերջում ինստիտուտի ղեկավարությունը շնորհակալություն հայտնեց բովանդակային և հանգամանալից դասախոսության անցկացման համար և հույս հայտնվեց նմանօրինակ հանդիպումներ հաճախակի կազմակերպելու վերաբերյալ:
