2011թ.դեկտեմբերի 9-ին Հայաստանի դեղ արտադրողների և ներմուծողների միության գրասենյակում կայացավ աշխատաժողով «Դեղորայքի արտահանումը ԵՄ և ԱՊՀ երկրներ. Հիմնական պահանջները և ընթացակարգերը» թեմայով։ Աշխատաժողովը կազմակերպվել էր «Հայաստանի ԵՄ ինտեգրման ու զարգացման հեռանկարները» ծրագրի շրջանակներում Հայաստանի դեղ արտադրողների և ներմուծողների միության, Հայաստանում CABIR Alumni Council-ի հետ համատեղ ուժերով՝ Շվեյցարիայի զարգացման ու համագործակցության գործակալության ու Միջազգային հետազոտությունների և զարգացման բարձրագույն ինստիտուտի (Ժնև, Շվեյցարիա) աջակցությամբ։
Միջոցառմանը մասնակցում էին Հայաստանի դեղ արտադրող ընկերությունների, CABIR Alumni Council-ի ներկայացուցիչները։ Աշխատաժողվի ընթացքում ներկայացվեցին դեղագործության ոլորտում միջազգային կազմակերպությունների և արտասահմանյան երկրների կողմից առաջարկվող ծրագրերը, այդ ծրագրերին դիմելու կարգը, ԵՄ կողմից զարգացող երկրներին առաջարկվող արտոնությունների ընդհանրացված և համալրված համակարգը (GSP+), ԵՄ արտահանումը խթանելու նպատակով պատրաստված «ԵՄ արտահանման տեղեկատու» ինտերնետային կայքը և կայքից օգտվելու հնարավորությունները, ինչպես նաև ԵՄ դեղերի ներմուծման նկատմամբ գործող հիմնական պահանջները։
Միջոցառման ընթացքում քննարկվեց նաև դեղերի արտահանման ընդլայնման հնարավորությունները և առկա խնդիրները։
