«Ար» հեռուստաընկերությունը «Ազդարար» լրատվական հաղորդաշարի շրջանակներում անդրադարձել է դեղագործության ոլորտին, մասնավորապես՝ պետական և մասնավոր դեղագործությանը։ Թողարկման ընթացքում կեղծ դեղերի շրջանառության վերաբերյալ պաշտոնական դիրքորոշում հայտնեց ՀՀ ԱՆ դեղերի և բժշկական տեխնոլոգիաների փորձագիտական կենտրոնի տնօրեն Հակոբ Թոփչյանը։ Իրենց տեսակետները ներկայացրին Հայաստանի Դեղ արտադրողների և ներմուծողների միության տնօրեն Սամվել Զաքարյանը, Նուրբ օրգանական քիմիայի ինստիտուտի տնօրեն վիգեն Թոփուզյանը։

«Արմենիա» հեռուստաընկերությունը «Սուր անկյուն» հաղորդաշարի շրջանակներում անդրադարձել է դեղագործության ոլորտին։ Թողարկման ընթացքում  պաշտոնական դիրքորոշում հայտնեց ԱՆ աշխատակազմի ղեկավար Սուրեն Քրմոյանը։ Իրենց տեսակետները ներկայացրին Հայաստանի Դեղ արտադրողների և ներմուծողների միության տնօրեն Սամվել Զաքարյանը, ԴԱՆ Միության անդամներ «Լիկվոր» դեղագործական ընկրության տնօրեն Սերգեյ Մաթևոսյանը և «Տոնուս Լես» ընկերության ղեկավար Լևոն Հակոբյանը։

Մարտի 29-ին կայացած ասուլիսի ժամանակ Հայաստանի դեղ արտադրողների և ներմուծողների միության տնօրենը հայտնել է այն մասին, որ մոտ երկու շաբաթ առաջ դեղատներում հայտնվել են դեղեր, որոնք գրանցված չեն Հայաստանում։ Ըստ Սամվել Զաքարյանի Հայաստանում կեղծված և չգրանցված դեղորայքի ծավալն ավելացել է այն ժամանակ, երբ Հայաստանի դեղերի և դեղանյութերի ներմուծման ու արտահանման կարգը հաստատելու մասին կառավարության որոշման մեջ 2011թ.-ին փոփոխություն կատարվեց։ Փոփոխությունը, որը նախատեսում էր խթանել մրցակցությունը և վերացնել մենաշնորհը, թույլ էր տալիս երրորդ երկրներից Հայաստան ներկրել և վաճառել դեղամիջոցներ, որոնք գրանցված չեն։ Արդյունքում դեղատներում շարունակում են վաճառել չգրանցված, անգամ ադրբեջաներեն մակնշումով դեղեր։ Խնդրի մասին արդեն տեղեկացրել են կառավարությանը և ազգային անվտանգության խորհրդին:

Մարտի 10-11-ը Աղվերանի «Արթուրս Ռիզորթ» հանգստյան տանը կայացավ Դեղ արտադրողների և ներմուծողների միության և USAID/EDMC ծրագրի կազմակերպած 3-րդ «Առանց փողկապների» հանդիպումը։

ԴԱՆ միությունը դեղագործության ոլորտի ներկայացուցիչներին միավորել էր «կլոր սեղանի» շուրջ, ովքեր ոչ պաշտոնական պայմաններում քննարկում էին իրենց գործունեության հետ կապված խնդիրները՝ վեր հանելով ոլորտի զարգացման խոչընդոտները:

Առանցքային թեման 2013թ. հունվարի 1-ից ուժի մեջ մտնող ՊԱԳ ստանդարտների ընդունումն էր։

Թողարկման ընթացքում ՊԱԳ-ի կանոնների վերաբերյալ իր տեսակետը ներկայացրեց ԴԱՆ միության տնօրեն Սամվել Զաքարյանը, իսկ պաշտոնական դիրքորոշմամբ հանդես եկավ ԱՆ աշխատակազմի ղեկավար Սուրեն Քրմոյանը։